Тэатральная лабараторыя Fortinbras пры Беларускім Свабодным тэатры абвяшчае набор студэнтаў на 2017/2019 навучальны год
Заняткі праходзяць па наступных дысцыплінах:
- акторскае майстэрства;
- сцэнічная мова;
- драматургія;
- журналістыка;
- харэаграфія;
- вакал;
- тэатральны менеджмэнт;
- маркетынг;
- усходнія адзінаборствы;
- развіццё творчага ўяўлення і г.д.
Выкладанне вядуць як кіраўнікі Беларускага Свабоднага тэатра і пастаянны штат выкладчыкаў, так і запрошаныя замежныя спецыялісты.
Навучанне бясплатнае. Тэатральная лабараторыя Fortinbras не выдае сертыфікатаў, дыпломаў або пасведчанняў аб праходжанні навучання. Беларускі Свабодны тэатр зацікаўлены ў падрыхтоўцы кадраў для працы толькі ва ўласным калектыве.
Пачатак заняткаў: 25 верасня 2017.
Заняткі праходзяць 6 разоў на тыдзень у вячэрні час.
Падчас працы над спектаклямі – 7 разоў на тыдзень.
Да 10 верасня зацікаўленым неабходна даслаць на электронную адрэсу khalezin@gmail.com наступную інфармацыю:
- біяграфічную даведку пра сябе (прозвішча, імя, імя па бацьку; прафесійная дзейнасць; адукацыя; веданне замежных моў; захапленні; ўменні; сямейнае становішча; тое, што хочаце паведаміць пра сябе дадаткова);
- эсэ на тэму «Чаму мяне павінны прыняць у тэатральную лабараторыю Fortinbras» (не больш за 1 старонку друкаванага тэксту);
- асабістыя фотаздымкі (не менш за 3 шт.) – фармату jpg, памерам не больш за 1000 px па большым баку;
Суіскальнікам неабходна падрабязна азнаёміцца з інфармацыяй пра Беларускі Свабодны тэатр у інтэрнэце. Сумоў’і будуць праходзіць на працягу некалькіх дзён, пачынаючы з 15 верасня 2017.