Факультэт навук Жэнеўскага Універсітэту з падтрымкай знешніх партнёраў прапануюць Excellence Fellowship program для выбітных і высокаматываваных студэнтаў, якія жадаюць атрымаць ступень магістра навук у адной з дысцыплін, якія ахоплівае факультэт.
Excellence Fellowship складаецца з гранту ў памеры ад CHF 10’000 да CHF 15’000 у год (няма абавязкаў па выкладанні). Стыпендыя прысуджаецца на адзін год і працягваецца на тэрмін абранага магістарскага курсу (тры альбо чатыры семестры) для кандыдатаў, якія паказалі паспяховыя вынікі напрыканцы першага семестру навучання.
Умовы атрымання:
- ступень бакалаўра любога універсітэту;
- адпавяданне крытэрам абранага магістарскага курсу.
Стыпендыя распаўсюджваецца на наступныя дысцыпліны:
- Матэматыка;
- Камп’ютэрныя навукі;
- Фізіка;
- Хімія;
- Біяхімія;
- Біялогія;
- Дагістарычная археалогія;
- Геалогія;
- Экалагічныя навукі;
- Фармацэўтыка;
- Неўралогія і пратэёміка і біяінфарматыка.
Спіс неабходных дакументаў знаходзіцца тут.
Заяўка падаецца анлайн.
Дэдлайн 15 сакавіка 2018 (для навучання з верасня 2018 году)
Дадатковая інфармацыя тут