Грузінскі інстытут стратэгічных даследаванняў пры падтрымцы Міністэрства замежных спраў Швецыі ладзіць Тбіліскі форум трансфармацыйнага лідарства.
Форум пройдзе ў два этапы: форум у лістападзе 2018 года ў Тбілісі і навучальны візіт у лютыі 2019 года ў Стакгольм.
Мэта форуму – палепшыць разуменне палітычных і эканамічных пераўтварэнняў маладых лідараў і лідарак з краінаў Усходняга партнёрства і 4-х краінаў ЕЗ, паглыбіць іх веды аб палітычнай, эканамічнай і сацыяльнай дынаміцы ва Ўсходнім і Заходнім рэгіёнах.
Да ўдзелу запрашаюцца кандыдаты, якія працуюць ва ўрадавых установах, адукацыйных установах, прыватных арганізацыях і НДА.
Патрабаванні да кандыдатаў і кандыдатак:
- узрост – 24-35 гадоў;
- выдатнае валоданне ангельскай мовай.
Як падацца
Неабходна падрыхтаваць сваю матывацыю да ўдзелу і CV з дума рэкамендацыямі. Іх неабходна даслаць на е-адрас gissinstitute@gmail.com з тэмай ліста TTLF 2018 – Application.
Фінансавыя ўмовы
Арганізатары пакрываюць выдаткі на пражыванне і транспарт.
Дэдлайн падачы заявак – 7 верасня 2018 года.
Падрабязнасці ёсць тут.