Моладзевае грамадскае аб’яднанне “Фаланстэр” адкрывае набор стажораў у Лічбавую Майстэрню.
Падчас стажыроўкі ўдзельнікі змогуць атрымаць гору рэальнага досведу працы над лічбавым праектам, узбагаціць свой досвед у айці-галіне і знайсці кола аднадумцаў.
Шукаем стажораў па 5 накірунках:
- SEO-спецыяліст;
- Перакладчык (з беларускай мовы на рускую і англійскую);
- Фронтэнд распрацоўшчык (HTML, CSS, JS);
- Бэкэнд распрацоўшчык (PHP, JS);
- Тэсціроўшчык.
Ты ідэальны кандыдат, калі ты:
- адкрыты да супрацы ў камандзе;
- рады вучыцца новым метадам і тэхналогіям;
- маеш веды і досвед у нейкай з пералічаных сфер і жадаеш прымяняць іх на практыцы.
Тэрмін стажыроўкі: 3 месяцы.
Занятасць: 10-15 гадзін на тыдзень.
Прыняць удзел можна, пражываючы ў другім горадзе ці весцы: усё можна рабіць удалена, у тым ліку ўдзельнічаць у сустрэчах каманды. Пачынаем прыкладна на другім-трэцім тыдні кастрычніка.
Па выніках:
- выдаецца пасведчанне аб паспяховым завяршэнні стажыроўкі па абраным накірунку;
- студэнтам залічваецца практыка;
- па запыту даем пісьмовыя ці вусныя рэкамендацыі.
Каб трапіць на стажыроўку, калі ласка, запаўняйце анкету https://goo.gl/czQkSL
Колькасць месцаў абмежавана. Падаць заяўку магчыма да 6 кастрычніка ўключана.
Адкажам на працягу 2-3 дзен. Будзьце гатовы выканаць невялікае ўводнае заданне, якое зойме 3-4 гадзіны.