Youth Time International Movement запрашае на Сусветны моладзевы форум.
Калі: 2 – 6 снежня 2019 года.
Дзе: Амстэрдам, Нідэрланды.
Чалавецтва хутка рухаецца насустрач будучыні, дзе машыны і тэхналогіі пачынаюць дамінаваць у паўсядзённым жыцці, пішуць арганізатары форуму. І, падаецца, адукацыю, бяспеку, бізнэс і вытворчасць не абміне інтэграцыя чалавека і машыны.
Падчас Сусветнага моладзевага форуму ўдзельнікі абмяркуюць тэму “Інклюзіўнае развіццё супраць прамысловасці 5.0: дзе будучыня?” Таксама яны наведаюць некалькі семінараў, лекцый і майстар-класаў, якія правядуць эксперты ў пытаннях прамысловасці і інклюзіўнага развіцця.
Да ўдзелу запрашаюцца маладыя людзі з усяго свету. З патрабаванняў:
- узрост – 20-35 гадоў;
- быць студэнтам магістратуры альбо аспірантуры, сацыяльным прадпрымальнікам, маладым прафесіяналам;
- добрае валоданне ангельскай мовай.
Фінансавыя ўмовы
Удзел у форуме спансуецца часткова. Праграма, культурныя актыўнасці і афіцыйныя вячэры пакрываюцца Youth Time International Movement. Выдаткі на ўдзел пакрываюцца самімі ўдзельнікамі. Таксама ёсць рэгістрацыйны ўнёсак, памер якога можна даведацца на афіцыйным сайце. Аднак у самых амбітных кандыдатаў ёсць магчымасць выйграць стыпендыю, якая цалкам пакрые выдаткі на ўдзел.
Падаць заяўку можна на сайце.
Дэдлайн – 1 чэрвеня 2019 года.