26 верасня adu.place арганізуе анлайн-сустрэчу, прысвечаную стыпендыяльнай праграме Chevening.
На сустрэчы ў вас будзе магчымасць паразмаўляць з Багданам Хмяльніцкім (Chevening ’21) і Маргарытай Галдзянковай (Chevening ’23) — таленавітымі беларусамі, якія ўжо адвучыліся на праграме і хочуць падзяліцца сваім досведам.
Багдан Хмяльніцкі — выпускнік 2021 года, Birkbeck, University of London, спецыяльнасць MA Arts Policy and Management. Пры паступленні змяніў фокус бакалаўра ў міжнародным праве на культурніцкі менеджмент.
Маргарыта Галдзянкова — выпускніца 2023 года, Norwich, Master of Science in Education Leadership and Management, зараз працуе ў ЮНІСЕФ у Беларусі кансультанткай па працы з валанцёрамі і валанцёркамі.
Якія пытанні разгледзім:
- Што такое Chevening і каму пасуе праграма? Якія бенефіты дае?
- Як падаць заяўку і паспяхова прайсці інтэрв’ю? Як абраць універсітэт?
- Як жыць у Вялікабрытаніі? Якія ўмовы дае праграма?
- Што далей? Як Chevening дапамагае ў жыцці?
Далучайцеся 26 верасня (чацвер) а 18:30 па мінскім часе ў Zoom.