Першая летняя анімацыйная школа “Рухавічок” распачынае прыём заявак на ўдзел.
Адна з асноўных мэтаў школы – даць удзельнікам практычныя веды, каб пасля тыдня заняткаў яны змаглі самастойна ствараць з дзецьмі кароткія анімацыйныя фільмы.
Праграма
На працягу пяці дзён удзельнікі/удзельніцы пазнаёмяцца з асновамі анімацыі, яе відамі, рознымі тэхнікамі і метадамі выкладання для дзяцей. Яны навучацца самі пісаць сцэнары, ствараць персанажаў, аніміраваць, агучваць і мантаваць матэрыял. Апроч гэтага, прафесійныя трэнеры распавядуць пра неабходныя праграмы і тэхнічныя моманты, падзеляцца ўдалымі прыёмамі і карыснымі спасылкамі.
Патрабаванні да кандыдатаў
Адзіны крытэр – жаданне працаваць з дзецьмі і вучыцца чамусьці новаму. Ні ўзрост, ні прафесія ролі не граюць. Усё астатняе (англійская мова, выдатнае веданне камп’ютарных праграм, навыкі малявання, псіхалогіі і г.д.) – вялікі плюс, але ні ў якім разе не абавязковая ўмова! Важна: пасля праходжання анімацыйнай школы плануецца, што ўдзельнікі будуць гатовыя да правядзення майстар-класаў па анімацыі для дзяцей у межах другога этапу праекта. У першую чаргу, для дзяцей, якія знаходзяцца ў сацыяльна неабароненым становішчы.
Фінансавыя ўмовы
Удзел у праграме бясплатны. Арганізатарамі аплочваюцца пражыванне, харчаванне, пакрываюцца выдаткі на праезд па Беларусі.
Час і месца: Гомель, з 20 па 25 чэрвеня.
Колькасць месцаў абмежавана — 15 чалавек!
Дэдлайн падачы заяўкі — 20 траўня 2016 года.
Інфармацыя аб трэнерках:
- Герашчанка Марта, ЕГУ (Дызайн і Медыя). З 2011 года – аніматарка і мастачка на кінастудыі “Беларусьфільм”, “Саюзмультфільм”; дызайнерка-фрылансер і ілюстратарка дзіцячых кніг. Арганізатарка і выкладчыца майстар-класаў па анімацыі для дзяцей і дарослых у Беларусі і Літве.
- Пучкова Марыя Міхайлаўна, Мінскі каледж мастацтваў (дызайн), Беларуская дзяржаўная акадэмія мастацтваў (графічны дызайн і рэклама). З 2008 года – мастачка і аніматарка анімацыйнага кіно (кінастудыя “Беларусьфільм”, “Саюзмультфільм”, студыя “Пілот”). Выкладчыца анімацыі ў розных дзіцячых анімацыйных студыях, а таксама валанцёрка ў дзіцячай анімацыйнай студыі пры дзіцячым анкацэнтры ў Бараўлянах.