У ліпені-жніўні 2019 г. Інстытут Роберта Шумана (Будапешт, Венгрыя) разам з партнёрамі адкрываюць набор удзельнікаў на серыю семінараў «Leaders in Democracy» ў Троках, Літва. Да ўдзелу запрашаюць прадстаўнікоў правацэнтрысцкіх моладзевых і студэнцкіх арганізацый Беларусі (узрост – 20-30 гадоў).
Мэты праекта:
- прасоўваць перспектывы развіцця будучых палітычных элітаў Беларусі правацэнтрысцкага кірунку, адданых ідэям еўрапейскай інтэграцыі і плённага супрацоўніцтва Беларусі і ЕС;
- спрыяць наладжванню сувязяў паміж беларускіх удзельнікаў з прадстаўнікамі розных правацэнтрысцкіх арганізацый у Еўропе.
Каго шукаюць:
Для ўдзелу будуць абраныя 15 кандыдатаў, якія з’яўляюцца актыўнымі членамі правацэнтрысцкіх моладзевых і студэнцкіх арганізацый, такіх як Аб’яднаная грамадзянская партыя, Рух за свабоду, Беларускія хрысціянскія дэмакраты, Гавары праўду, альбо супрацоўнічаюць з НДА, якія падтрымліваюць праеўрапейскі і дэмакратычны кірунак развіцця Беларусі.
Праграма:
У межах праграмы пройдзе 2 чатырохдзённых семінары (8 – 11 ліпеня, 26 – 29 жніўня). Удзел у абодвух семінарах абавязковы. Працоўная мова: ангельская (без перакладу).
Як падацца:
Запоўніць форму заяўкі можна па спасылцы. Тэрмін падачы заявак: 10 раніцы 22 траўня (серада).
Больш інфармацыі можна знайсці тут.