Універсітэт Цыньхуа запрашае студэнтаў з усяго свету пазмагацца за стыпендыю Schwarzman Scholars на вучобу ў магістратуры, а таксама на знаёмства з культурай краіны.
Замежнікам прапануецца паступіць на гадавую праграму “Глабалістыка” са спецыялізацыяй на эканоміцы/бізнэсе, палітыцы ці міжнародных дачыненнях. Мэта праграмы – выхаваць моцных лідараў, якія зменяць развіццё гісторыі.
Неабходныя дакументы:
- запоўненая анлайн-заяўка;
- транскрыпт акадэмічных поспехаў;
- рэкамендацыйныя лісты (ў электронным выглядзе);
- відэа працягласцю да 1 хвіліны, дзе кандыдат прадставіць сябе (вельмі рэкамендавана, але не абавязкова);
- тры эсэ: Personal Statement, Leadership Essay, Current Affairs Essay;
- CV.
Фінансавыя ўмовы
Стыпендыя пакрывае выдаткі на навучанне, пражыванне і харчаванне, трэвел-грант, выдаткі на падручнікі і ноўтбук (калі патрэбен) і падарожжы па Кітаю. Ттаксама будзе выдавацца стыпендыя у памеры $3,500.
Дэдлайн – 27 верасня 2018 года.