Нямецкая служба акадэмічных абменаў DAAD ладзіць канцэртнае падарожжа для замежных студэнтаў.
Да ўдзелу ў новай праграме запрашаюцца навучэнцы музычных акадэмій і кансерваторый. Групы ад 5 да 50 чалавек разам з выкладчыкам мусяць падаць заяўку на партале DAAD.
Удзельнікаў праграмы чакае:
- правядзенне канцэртаў з нямецкімі партнёрамі;
- сустрэчы са студэнтамі, музыкамі, навукоўцамі;
- знаёмства з культурным і палітычным жыццём Нямеччыны.
Фінансавыя ўмовы:
DAAD аплочвае выдаткі на дарогу і пражыванне. Дадаткова ўдзельнікі атрымоўваюць 50 еўра кожны дзень.
Выкладчык, які суправаджае групу, мусіць падаць заяўку не пазней за тры месяцы да запланаванага падарожжа. Падрабязную інфармацыю і дакументы, якія трэба запоўніць, можна адшукаць тут, тут і тут (па-ангельску).