Падрыхтавалі для цябе аду-скарб — спасылкі на вакансіі для стажыровак у розных структурах ААН. Каб стаць кандыдатам ці кандыдаткай на пазіцыю, абавязкова добра ведаць ангельскую ці французскую, быць студэнтам / студэнткай ці выпускніком / выпускніцай ВНУ і не мець родных у адпаведнай арганізацыі.
Дзе шукаць стажыроўкі
- Асноўны сайт з вакансіямі. Там жа ёсць і падрабязнае апісанне працэсу, як падацца на вакансію, але там ёсць не ўсе ААНаўскія арганізацыі.
- Агенцыя ААН па справах бежанцаў (UNHCR). Спіс стажыровак глядзі вось тут.
- Дзіцячы Фонд ААН (UNICEF). Сярод прапанаваных стажыровак ёсць не толькі англамоўныя, але і гішпанамоўныя.
- Праграма развіцця ААН (UNDP). Тут ёсць толькі агульны спіс вакансій, таму шукай сярод іх тыя, што пазначаны словам Intern.
- Сусветная харчовая праграма (World Food Programme). Тут таксама няма фільтру, таму глядзі, каб назва вакансіі ўключала ў сябе слова Internship. Спіс вакансій — вось тут.
- Сайт UN Volunteers. Асобны сайт з магчымасцямі, часткова супадае з іншымі варыянтамі ў спісе.
Чытай па тэме:
Мы шукаем тых, хто стажыраваліся ў ААН і гатовыя распавесці нам пра свой вопыт для публікацыі. Калі гэта ты ці твае знаёмыя, калі ласка, напішы нам на пошту adukacyja@gmail.com ці ў Telegram-бота.
Калі ты рыхтуешся да паступлення ці цяпер вучышся ў любым ВНУ, дадавайся ў наш утульны чат беларускіх студэнтаў і студэнтак! Там мы збіраемся, каб знаёміцца, дзяліцца досведам і падтрымліваць адзін аднаго.
Каб далучыцца, напішы нам праз Telegram-бота.