Калі ты хочаш лепш разумець ангельскую мову на слых, звярні ўвагу на гэты спіс. Мы падабралі пяць падкастаў на тэмы ад псіхалогіі да крымінальных гісторый. Вядучыя ў гэтых праектах размаўляюць з рознымі акцэнтамі. Рэкамендуем уключаць падкасты падчас шпацыру ці прыбірання, каб трэніравацца слухаць ангельскую на фоне.
Best Friend Therapy. Падкаст псіхатэрапеўткі Эммы Рыд Тарэл і яе найлепшай сяброўкі Элізаветы Дэй пра самыя розныя выклікі і з’явы жыцця (ад пачуцця віны да нарцысызму). Цёплыя глыбокія размовы, якія мы ўсе часам маем з блізкімі. Дарэчы, гэта адзіны падкаст у спісе з брытанскім вымаўленнем.
The Tim Ferris Show. Гэта натхняльны падкаст Ціма Фэрыса — пісьменніка, аўтара кнігі «4-х гадзінны працоўны тыдзень», прадпрымальніка ды інвестара. Ён запрашае на інтэрв’ю паспяховых і ўплывовых людзей у розных галінах — ад бізнесу і навукі да мастацтва і спорту. Цім абмяркоўвае з імі метады працы, матывацыі і жыццёвыя прынцыпы.
Huberman Lab. Падкаст па псіхалогіі, які вядзе неўролаг і прафесар Стэнфарда Эндру Хуберман. Ён абмяркоўвае розныя аспекты неўралогіі, псіхалогіі і паводзінаў з мэтай дапамагчы слухачам зразумець, як працуе мозг і як аптымізаваць сваё жыццё. Атрымаўся навукова-папулярны праект з харызматычным вядучым.
My Favorite Murder. Падкаст ад Карэн Кілгарыф і Джорджыі Хардстарк пра інтрыгуючыя крымінальныя гісторыі. Кожны эпізод адна з вядучых расказвае пра падзею, а другая дадае свае каментары. Карэн і Джорджыя раней працавалі ў забаўляльнай сферы, таму яны дакладна ўмеюць распавядаць захапляльныя гісторыі і ўтрымліваць увагу.
TED Talks Daily. Нестарэючая класіка, якая не патрабуе асаблівага прадстаўлення. Натхняльныя кароткія прамовы з унікальнымі ідэямі і пунктамі гледжання, ды яшчэ і на лёгкай для разумення ангельскай з рознымі акцэнтамі. Вельмі рэкамендуем.
Чытай па тэме:
- TOEFL ці IELTS: які тэст выбраць
- Паказваем, дзе шукаць стажыроўкі ў структурах ААН па ўсім свеце
- Як вучыцца па навуцы? Частка першая: як думаць па-рознаму і навошта спаць
Калі ты рыхтуешся да паступлення ці цяпер вучышся ў любым ВНУ, дадавайся ў наш утульны чат беларускіх студэнтаў і студэнтак! Там мы збіраемся, каб знаёміцца, дзяліцца досведам і падтрымліваць адзін аднаго.
Каб далучыцца, напішы нам праз Telegram-бота.